• ವಸ್ತು ಸಂಗ್ರಹ: ಸರದಿ ಸಾಲಿನಲ್ಲಿ ಹೇಳಿಕೆ ಪಡೆಯಲು ಹೋಗುವಾಗ ತಮ್ಮ ಸೇವಾ ಪಾವತಿಯನ್ನು ಹೊರತುಪಡಿಸಿ ಬೇರೆ ಯಾವುದೇ ವಸ್ತುಗಳನ್ನು ತಮ್ಮ ಜೊತೆ ಕೊಂಡೊಯ್ಯುವಂತಿಲ್ಲ.
• ವಸ್ತ್ರ ಸಂಹಿತೆ: ಭಾರತೀಯ ವಸ್ತ್ರಸಂಹಿತೆಯ ಪ್ರಕಾರ ಬಂದವರಿಗೆ ಮಾತ್ರ ದರ್ಶನ (ಹೇಳಿಕೆ) ಸೇವೆಗೆ ಅವಕಾಶವಿದೆ.
• ಲಾಕರ್ ಸೌಲಭ್ಯ: ಭಕ್ತಾದಿಗಳ ಬೆಲೆಬಾಳುವ ವಸ್ತುಗಳನ್ನು (ಮೊಬೈಲ್, ಪರ್ಸ್, ಬ್ಯಾಗ್ ಇತ್ಯಾದಿ) ಸುರಕ್ಷಿತವಾಗಿ ಇಡಲು ಲಾಕರ್ ಸೌಲಭ್ಯವಿದೆ.
• ಫೋಟೋಗ್ರಾಫಿ/ವಿಡಿಯೋ ಮಾಡುವುದು ನಿಷೇಧ: ದೇವಾಲಯದಲ್ಲಿ ಫೋಟೋ ತೆಗೆಯುವುದು, ವಿಡಿಯೋ ಮಾಡುವುದು, ವಿಡಿಯೋ ಕಾಲಿಂಗ್ ಮಾಡುವುದನ್ನು ನಿರ್ಭಂಧಿಸಲಾಗಿದೆ.
• ಸಿಬ್ಬಂದಿಗಳ ಸಿದ್ಧತೆ: ಸೇವಾರ್ಥಿಗಳು ಕರ್ತವ್ಯನಿರತ ಸಿಬ್ಬಂದಿಗಳೊಡನೆ ಯಾವುದೇ ವಾದ ಮಾಡುವಂತಿಲ್ಲ.
• ಸೇವೆ ದಿನ: ಭಕ್ತಾದಿಗಳು ತಾವು ಸೇವೆಯನ್ನು ಬುಕಿಂಗ್ ಮಾಡಿಕೊಂಡ ದಿನದಂದೇ ಮಾಡಿಕೊಂಡ ಸೇವೆಯನ್ನು ಪಡೆದುಕೊಳ್ಳತಕ್ಕದ್ದು. ಬುಕಿಂಗ್ ದಿನಾಂಕವನ್ನು ಬದಲಾವಣೆ ಮಾಡಲು ಅವಕಾಶವಿರುವುದಿಲ್ಲ. ಭಕ್ತಾದಿಗಳು ಬುಕಿಂಗ್ ಮಾಡಿಕೊಂಡ ದಿನಾಂಕದಂದು ಆಗಮಿಸದೇ ಇದ್ದಲ್ಲಿ ಸೇವಾದಾರರ ಕುಟುಂಬದ ಹೆಸರಿನಲ್ಲಿ ದೇವರಿಗೆ ವಿಶೇಷ ಪೂಜಾ ಸೇವೆ ಸಲ್ಲಿಸಿ ಪ್ರಸಾದ ಕಳುಹಿಸಲಾಗುವುದು.
• ಇತರ ಸೇವೆಗಳು: ದರ್ಶನ/ಹೇಳಿಕೆ ಸೇವಾ ದಿನದ ಹೊರತಾಗಿಯೂ ದೇವರ ಸನ್ನಿಧಿಯಲ್ಲಿ ಸುವರ್ಣ ಕವಚ ಅಲಂಕಾರ, ಪಾದುಕಾ ಪೂಜೆ, ಮಹಾಪೂಜೆ, ಹೂವಿನ ಪೂಜೆ ಸೇವೆಗಳನ್ನು ತಮ್ಮ ಕುಟುಂಬ ಶ್ರೇಯೋಭಿವೃದ್ಧಿಯ ಸಂಕಲ್ಪದೊಂದಿಗೆ (ಹುಟ್ಟು ಹಬ್ಬ, ಚೌಲ, ಗೃಹಪ್ರವೇಶ, ಉಪನಯನ, ವಿವಾಹಾದಿ ವಿಶೇಷ ಕಾರ್ಯಗಳ ನಿಮಿತ್ತವಾಗಿಯೂ) ನಡೆಸಬಹುದಾಗಿದೆ.
ಈ ಸೇವೆಗಳು ಕೆಳಗಿನ ಸೂಚಿಸಿದ ಸಮಯದಲ್ಲೇ ಕಡ್ಡಾಯವಾಗಿ ಇರತಕ್ಕದ್ದು:
ಸುವರ್ಣ ಕವಚ ಅಲಂಕಾರ – ಬೆಳಿಗ್ಗೆ 6:00 ಗಂಟೆಗೆ
ಪಾದುಕಾ ಪೂಜೆ – ಬೆಳಿಗ್ಗೆ 6:00 ಗಂಟೆಯಿಂದ 7:00 ಗಂಟೆಯವರೆಗೆ
ಮಹಾಪೂಜೆ – ಬೆಳಿಗ್ಗೆ 7:00 ಗಂಟೆಯಿಂದ 7:30 ಗಂಟೆಯವರೆಗೆ
ಹೂವಿನ ಪೂಜೆ – ಬೆಳಿಗ್ಗೆ 7:00 ಗಂಟೆಯಿಂದ 7:30 ಗಂಟೆಯವರೆಗೆ
ನಿಮ್ಮ ಸಹಕಾರ ಹಾಗೂ ಬೆಂಬಲಕ್ಕೆ ನಾವು ಹೃತ್ತೂರ್ವಕವಾಗಿ ಕೃತಜ್ಞರಾಗಿದ್ದೇವೆ.
